Усеагульная забастоўка дзяржсектара ў Бельгіі фактычна паралізавала ўсю краіну

Спыніліся хуткасныя цягнікі, гарадскія аўтобусы, метро. Зачынены найважнейшы транспартны вузел Бруселя - Паўночны вакзал. Гэта акцыя пратэсту супраць урадавых мер жорсткай эканоміі. У меншай ступені забастоўка закранула авіяперавозкі, але ўлады аэрапорта папярэджваюць, што не могуць прагназаваць далейшыя крокі прафсаюзаў. Акрамя таго, парушана праца навучальных і дзіцячых устаноў, а таксама паштовых аддзяленняў і камунальных адміністрацый. Мінімальны сэрвіс забяспечвае персанал медыцынскіх устаноў. Прафсаюзы таксама заклікалі паліцэйскіх і пажарных абмежавацца мінімальна неабходным забеспячэннем сваіх функцый.