Усё больш краін свету змякчаюць карантын

Невялікімі, але ўпэўненымі крокамі ў свеце пачынаюць спраўляцца з COVID-19. У Германіі больш за палову заражаных паправілася. Гэта 64 000 чалавек. 

Харчовыя рынкі, пункты продажу будматэрыялаў і аўтамыйкі зарабілі ў Італіі. У Аўстрыі сёння адкрываюцца тысячы магазінаў нехарчовых тавараў.

Ад татальнай ізаляцыі вырашылі адысці і ў Іспаніі. На фоне паніжэння смяротнасці тут аднаўляюць працу будоўлі і заводы. 

Тым часам Японія ўпершыню за месяц зарэгістравала самае маштабнае паніжэнне заражэнняў на суткі - у паўтара раза.