Сусветная арганізацыя аховы здароўя павысіла ўзровень пагрозы глабальнага распаўсюджання каранавіруса да вельмі небяспечнага

Колькасць новых выпадкаў Covid-19 у Кітаі знізілася да мінімальнага ўзроўню са студзеня. Аб гэтым паведамляе Міністэрства аховы здароўя КНР. Між тым, першы выпадак заражэння зафіксаваны ў Манака. Вірус выявілі ў пацыента бальнічнага цэнтра прынцэсы Грэйс. Ён быў ізаляваны. У Берліне з-за рызыкі распаўсюджання каранавіруса прынята рашэнне адмяніць міжнародную турыстычную выставу-кірмаш ITB. Упершыню выпадкі заражэння выяўленыя ў Афрыцы і Лацінскай Амерыцы. Як паведамляюць СМІ, у асноўным каранавірус наносіць шкоду лёгкім. Паталагічныя змены ў іх былі падобныя з тымі, якія выклікаюць САРС і МЕРС.