Што датычыцца ступені жорсткасці каранцінных мер, то эксперты выказваюць розныя меркаванні. Да прыкладу, у Швецыі дзеці малодшага ўзросту працягваюць хадзіць у школу, хоць ВНУ і старэйшыя класы перайшлі на дыстанцыйнае навучанне. Бізнес, пачынаючы з цырульняў і заканчваючы рэстаранамі, працягвае сваю працу, хоць людзям рэкамендуюць па магчымасці працаваць дома аддалена. Шэраг навукоўцаў лічыць, што шведская сістэма аховы здароўя спраўляецца: колькасць пацыентаў рэанімацыі ў апошнія тыдні практычна не змяняецца.
Ян Альберт, прафесар кафедры мікрабіялогіі, анкалогіі і цытабіялогіі Каралінскага інстытута (Швецыя): "Жорсткія меры самаізаляцыі дапамогуць толькі згладзіць крывую, а згладжванне крывой зусім не азначае, што хвароба знікне. Яна толькі перамесціцца ў часе. Пакуль сістэма аховы здароўя можа справіцца і забяспечыць добры догляд тых, хто жывуць у нястачы, не факт, што перамяшчэнне ўспышкі па часе лепш".
Заўтра ацэнку сітуацыі з сусветнай пандэміяй дасць Надзвычайны камітэт па каранавірусе Сусветнай арганізацыі аховы здароўя. Як паведаміў генеральны дырэктар САЗ, арганізацыя падрыхтавала абноўленыя рэкамендацыі праз тры месяцы, як быў аб’яўлены найвышэйшы ўзровень надзвычайнай сітуацыі.
САЗ агучыць новыя рэкамендацыі ў сувязі з бягучай сітуацыяй з каранавірусам
29 апреля 2020