Сусветная арганізацыя аховы здароўя аб'явіла аб павышэнні пагрозы распаўсюджвання каранавіруса

Пагроза распаўсюджвання каранавіруса на сусветным узроўні расце,  заяўляе Сусветная арганізацыя аховы здароўя. Колькасць тых, хто памёр ад пнеўманіі новага тыпу, у Кітаі дасягнула 106 чалавек. Тых, хто заразіўся,  больш  за 4,5 тысячы. Ёсць і добрыя навіны - 60 пацыентаў выпісалі з бальніц. Успышку захворвання, нагадаем, упершыню зафіксавалі напрыканцы снежня ў кітайскім горадзе Ухань. Меркавана, гэта стала вынікам змешвання вірусаў кажаноў і змей. Між тым першы выпадак захворвання пацвердзілі ў Германіі. Мужчына быў ізаляваны. Яго стан  стабільны.