Аднаўленне турызму важна для сусветнай эканомікі

З перамогай над каранавірусам прыйдуць і новыя выпрабаванні, лічаць у Еўрасаюзе. Адным з найболей пацярпелых сектараў эканомікі апынуўся турызм. Міністры профільных ведамстваў адзначаюць рэзкае падзенне попыту і рост беспрацоўя. Пагроза навісла над малым і сярэднім бізнесам. У ЕС упэўненыя: для аднаўлення эканомікі трэба надаць належную ўвагу турыстычнаму сектару.

Асаблівасці выхаду з каранціну 

У ЗША сітуацыя з аднаўленнем эканомікі неадназначная. З аднаго боку, некаторыя штаты пачынаюць усё больш змякчаць каранцін - у Фларыдзе адкрылі пляжы, а ў Аклахоме пачалі працу цырульні. З другога - некаторыя губернатары супраць здымання абмежавальных мер. Гэта выклікае спрэчкі паміж муніцыпалітэтамі і кіраўніцтвам штата. Так, мэр горада Грантс зняў лакдаўн насуперак распараджэнню губернатара Нью-Мексіка аб захаванні абмежаванняў. Зараз у рэгіёне пратэстуюць прадстаўнікі розных меркаванняў.