Васковы Шэрлак з'явіўся ў Музеі мадам Тюсо

Музей мадам Тюсо папоўніўся першай у свеце васковай фігурай самага папулярнага Шэрлака Холмса - Бенедзікта Камбербэтча. Статуя акцёра ў натуральную велічыню з'явілася пасля некалькіх месяцаў карпатлівай работы каманды з 20 супрацоўнікаў. Каб дабіцца поўнага падабенства са знакамітасцю, мастакі зрабілі сотні здымкаў зоркі кіно ў розных ракурсах і правялі дбайныя вымярэнні. Сам Камбербэтч таксама актыўна ўдзельнічаў у стварэнні сваёй копіі і спадзяецца неўзабаве прыехаць паглядзець на яе ў Лондан.