Міністры ўнутраных спраў краін ЕС не змаглі прыйсці да адзінага рашэння адносна праблемы мігрантаў. Экстраннае пасяджэнне скончылася без зацвярджэння прапановы аб размеркаванні квот. Наступная спроба - 8 кастрычніка. Тым часам урад Венгрыі можа ўвесці надзвычайнае становішча з-за ўцекачоў. Гэта паведаміў прэм'ер Віктар Орбан. Сёння ў краіне ўступаюць у сілу папраўкі ў заканадаўства. Яны ўзмацняюць жорсткасць памежнага кантролю аж да арышту нелегальных мігрантаў. Напярэдадні днём Венгрыя закрыла частку сваёй мяжы з Сербіяй. У прыватнасці, паліцыя заблакіравала чыгунку з Бялграда. Катастрафічны наплыў уцекачоў паставіў пад пагрозу шэнгенскія дамоўленасці. Некалькі краін ЕС напярэдадні аднавілі кантроль на ўнутраных межах. Першай гэтай зрабіла Германія, затым Аўстрыя і Славакія. Крыху пазней Польшча, Чэхія і Бельгія аб’явілі, што ў выпадку неабходнасці зробяць тое ж самае. Нагадаем, з пачатку года на тэрыторыю ЕС прыбылі каля паўмільёна выхадцаў з Паўночнай Афрыкі і Блізкага Усходу.
Пытанне нелегалаў зноў не вырашана
15 сентября 2015