Другі дзіўна цынічны тэракт у Валгаградзе за апошнія суткі. Жыхары шакіраваныя. Рэгіён сустрэне Новы год не святочна, а ў трохдзённай жалобе. Учора смяротнік узарваў сябе на чыгуначным вакзале. Яго ахвярамі, паводле апошніх звестак, сталі 17 жыхароў. Зараз апазнаныя толькі 11. Усяго ў спісе пацярпелых - 43 прозвішчы.
Расказвае Юлія Табалевіч.
Пакуль застаецца невядомым, хто менавіта прывёў у дзеянне выбухное прыстасаванне. Спачатку з'явіліся паведамленні, што падрыў ажыццявіла тэрарыстка-смяротніца. Нават звалася яе імя - Аксана Арсланава, ураджэнка Дагестана, удава знішчанага лідара баевікоў. Пазней з'явілася іншая версія. Тэрарыст - мужчына. Бомбу ён прынёс у рукзаку. Калі ён праходзіў праз рамку, спрацавала трывожная сігналізацыя. Паліцэйскі адвёў мужчыну ў бок і прапанаваў прайсці асабісты агляд. У гэты момант і прагрымеў выбух. Усё адбылося ўчора днём на самым уваходзе ў будынак ля рамак-металашукальнікаў. Выбуховай хваляй павыбівала шыбы на ўсіх паверхах. Рамы адляцелі на дзясяткі метраў. Уваход у будынак абсыпаны асколкамі і абломкамі канструкцый.
Уладзімір Маркін, афіцыйны прадстаўнік Следчага камітэта Расіі:
Папярэдняя магутнасць гэтага прыстасавання не меней як 10 кілаграмаў у трацілавым эквіваленце. Прычым, верагодна, ахвяраў магло быць і значна больш, калі б не спрацавала так званая загараджальная сістэма на вакзале.
Відавочцы трагедыі апісваюць страшныя сцэны, якія яны ўбачылі ў першыя хвіліны пасля тэракту.
Асаблівы цынізм здарэння ў тым, што вакзалы зараз перапоўненыя. У перадсвяточныя дні тут асабліва шматлюдна. Чыгуначны вакзал Валгаграда - сур'ёзны транспартны вузел краіны. Штодзённага праз яго праходзяць дзясяткі прыгарадных цягнікоў і цягнікоў далёкага накіравання. Жыхары горада шакіраваныя здарэннем. Усю ноч да вакзала, дзе ўсё адбылося, ішлі людзі з кветкамі. Шакіраваная і сусветная грамадскасць. Тэракт асудзілі Савет Бяспекі ААН, ЗША, Канада, еўрапейскія краіны.
Знойдзеныя доказы пацвярджаюць, што абодва тэракты ў Валгаградзе - і ў тралейбусе, і на вакзале - звязаныя паміж сабою. Мы будзем трымаць вас у курсе падзей.
