Пад уладай снежнага цыклону апынуліся цэнтральныя рэгіёны Расіі

На асноўных магістралях разгорнутыя мабільныя пункты абагравання. У гарадах кругласутачна працуе ўборачная тэхніка. З-за рэзкага павышэння тэмпературы ў некаторых рэгіёнах сіноптыкі абяцаюць ледзяны дождж. У расійскай сталіцы толькі за суткі выпала амаль палова месячнай нормы ападкаў. Цяжкасці адчуваюць авіяперавозчыкі. У аэрапортах Масквы было адменена 68 рэйсаў, каля 17-ці былі затрыманыя. Зараз сітуацыя нармалізавалася, паветраныя гавані працуюць у штатным рэжыме. Шторм "Даніела" зараз рухаецца на Урал.