У Францыі ўвялі правілы і штрафы для карыстальнікаў электрасамакатаў

У Францыі ўвялі новыя правілы для карыстальнікаў электрасамакатаў пасля сотняў інцыдэнтаў, у тым ліку і некалькіх са смяротным вынікам. З гэтага часу асобам, якія кіруюць гэтым відам транспарту, павінна быць не меней за 12 гадоў, і яны не змогуць катацца на ім па тратуары. Забаронена выкарыстанне мабільнага тэлефона і навушнікаў падчас язды, а таксама рух без шлема і святлоадбівальніка. Парушальнікам пагражае штраф ад 135 да 1500 еўра.