У Францыі пачалася забастоўка пілотаў Air France

Сёння (у другі дзень чэмпіянату Еўропы па футболе) ў Францыі пачалася забастоўка пілотаў Air France. Прафсаюзы пагражаюць перашкодзіць правядзенню "Еўра-2016" з-за скарачэння зарплат. Акрамя таго, гучаць патрабаванні палепшыць умовы працы. Найбуйнейшая авіякампанія краіны адмяніла да 30 працэнтаў рэйсаў. Чакаецца, што сёння да стачкі далучацца чвэрць лётчыкаў. Забастоўка прадоўжыцца да 14 чэрвеня і абяцае стаць самай маштабнай за апошнія паўтара дзясятка гадоў. У Air France падлічылі, што кожны з дзён стачкі прынясе перавозчыку страты на 5 мільёнаў еўра.