МУС таксама плануе пераразмеркаваць сілавікоў паміж Парыжам і правінцыяльнымі гарадамі. У сталіцы афіцэраў стане яшчэ больш. Таксама фарміруецца рэзерв, куды ўвойдуць 2,5 тысячы добраахвотнікаў. Па ўсёй Францыі ўзмацнілі ахову цэркваў і мячэцяў. Нармандскі гарадок Сент-Эцьен-дзю-Руўрэ смуткуе аб забітым свяшчэнніку. Мясцовыя жыхары па-ранейшаму ў шоку. Кіраўнік горада заклікаў правесці марш памяці і салідарнасці з ахвярамі тэрактаў, колькасць якіх у Францыі расце кожны дзень. Сітуацыя з бяспекай, згодна з апытаннямі, раздражняе французаў, многія з якіх абвінавачваюць улады ў бяздзейнасці.
