Улады ЗША падалі ў суд на Эдварда Сноўдэна з-за яго кнігі "Асабістая справа"

Улады ЗША падалі ў суд на былога супрацоўніка ЦРУ і агента нацбяспекі Эдварда Сноўдэна з-за яго аўтабіяграфічнай кнігі "Асабістая справа". Мінюст і пракуратура ЗША патрабуюць, каб выручка ад продажаў ішла амерыканскаму ўраду. Улады падкрэсліваюць, што не спрабуюць выключыць кнігу з продажу. Але ўсе прыбыткі павінны паступаць у бюджэт ЗША, бо аўтар парушыў пагадненне аб невыдаванні і апублікаваў даныя аб разведцы без узгаднення з ЦРУ і АНБ. Сам Сноўдэн назваў такія дзеянні лепшым доказам праўдзівасці яго мемуараў.