Улады Кітая пацвердзілі чацвёрты выпадак смерці з-за новага каронавіруса

Яшчэ адзін пацыент памёр  у горадзе Ухань, дзе адбылася ўспышка  захворвання. На сёння зафіксаваныя ўжо 224 выпадкі. Таксама стала вядома, што новы тып пнеўманіі перадаецца ад чалавека да чалавека. 14 медыкаў заразіліся ў КНР ад інфікаваных. Вірус выяўлены і за межамі Кітая - у Паўднёвай Карэі, Японіі і Тайландзе. Заўтра Сусветная арганізацыя аховы здароўя правядзе экстраннае пасяджэнне.