Вірус Эбола прадаўжае распаўсюджвацца

25 Жніўня 2014

Першыя два выпадкі захворвання ліхаманкай Эбола зафіксаваныя ў Дэмакратычнай Рэспубліцы Конга. У правінцыі Экватар, дзе лячыліся пацыенты, уведзены каранцін. Да гэтага моманту з-за ўспышкі віруса ў Заходняй Афрыцы загінулі каля 1400 чалавек.


Між тым у Вялікабрытанію даставілі першага падданага Злучанага Каралеўства, які быў заражаны ліхаманкай Эбола ў Сьера-Леоне. Пацыента на базу ваенна-паветраных сіл недалёка ад Лондана даставіў ваенны самалёт. Імя брытанца пакуль не выдаецца.