За рашэнне прагаласаваў 331 дэпутат. Раней прэм'ер-міністрам выбралі аднаго з лідараў партыі Бацькіўшчына Арсенія Яцанюка. Першым віцэ-прэм'ерам па сілавым блоку стаў дэпутат ад фракцыі Бацькіўшчына, экс-начальнік ГУ МУС у Кіеве Віталь Ярэма. Аляксандр Сыч ад фракцыі Свабода заняў пасаду віцэ-прэм'ера, кіраўніком МУС стаў раней выконваючы абавязкі міністра ўнутраных спраў Арсен Авакаў. Сёння днём Віктар Януковіч, месцазнаходжанне якога дагэтуль невядомае, звярнуўся да народа Украіны праз расійскія інфармагенцтвы. Ён заявіў, што па-ранейшаму лічыць сябе законным кіраўніком дзяржавы і абвінаваціў апазіцыю ў парушэнні дасягнутых дамоўленасцяў. Акрамя таго, Януковіч звярнуўся да расійскіх уладаў з просьбай гарантаваць яго асабістую бяспеку. Між тым, парламент Крыма ініцыіруе правядзенне рэферэндуму аб статусе аўтаноміі і пашырэнні яе паўнамоцтваў. Пра гэта гаворыцца ў звароце прэзідыума да мясцовых жыхароў.
