Нарастае канфлікт і паміж Кіевам і Варшавай. Вярхоўная рада Украіны асудзіла польскі закон аб "Інстытуце нацыянальнай памяці". Дакумент, нагадаем, уводзіць пакаранне - аж да крымінальнай адказнасці - за адмаўленне так званай Валынскай разні ў 40-ых гадах. Акрамя таго, у тэксце закона ўтрымоўваецца тэрмін "бандэраўская ідэалогія". За яе прапаганду таксама прадугледжана пакаранне - штраф або 3 гады турмы. Украінскія парламентарыі заклікалі прэзідэнта Польшчы накласці на закон вета. У Кіеве асцерагаюцца, што новаўвядзенне можа адбіцца на правах мільёна ўкраінцаў, якія зараз працуюць у Польшчы.
Ганна Гапко, кіраўнік Камітэта Вярхоўнай рады Украіны па замежных справах: "Мы выразна гаворым, што такі закон закрывае шлях да адкрытага дыялогу, свабоднаму абмену думкамі і акадэмічнай свабоды. Гэты закон несумяшчальны з дэмакратычнымі каштоўнасцямі і таксама адкрывае шлях да маніпуляцый і ўзмацненню антыўкраінскіх тэндэнцый у польскім грамадстве".
Мер у адказ афіцыйны Кіеў пакуль прадпрымаць не мае намеру, паведамілі дэпутаты. Тым часам прэзідэнт Польшчы ўжо заявіў, што закон аб "Інстытуце нацыянальнай памяці" ўсё ж будзе падпісаны. Яшчэ маецца быць экспертыза тэксту ў Канстытуцыйным судзе. Раней незадаволенасць праектам дакумента выказалі Ізраіль і ЗША. Вашынгтон абвінаваціў Варшаву ў парушэнні свабоды слова, Тэль-Авіў - у адмаўленні халакосту.
