Вярхоўная палата парламента Расіі адобрыла законы аб фэйкавых навінах у СМІ

13 Сакавіка 2019

Вярхоўная палата парламента Расіі адобрыла законы аб фэйкавых навінах у СМІ і непавазе да ўлады. У падтрымку першага дакумента прагаласавалі 144 сенатары Савета Федэрацыі. Ён прадугледжвае буйныя штрафы, да 6 000 долараў, за размяшчэнне ў Сетцы лжывай грамадска значнай інфармацыі, якая стварае пагрозу людзям або інфраструктуры. Іншы законапраект прадугледжвае падобныя меры за публікацыі ў Інтэрнэце, у якіх змяшчаецца непавага да грамадства, дзяржавы, сімвалаў краіны і органаў улады. Гэты закон падтрымалі 142 сенатары. 



Мікіта Кулікоў,  член экспертнага савета па лічбавай эканоміцы Дзярждумы Расіі: "Інфармацыя даўно стала прадметам барацьбы і прадметам канкурэнцыі паміж рознымі групамі і нават краінамі. І ў гэтым разрэзе гэты закон, вядома, быў неабходны з пункта погляду абароны інфармацыйнага поля ад так званых некарэктных, несумленных навін. Але з іншага боку ўзнікае пытанне, якім чынам адсяваць, што з'яўляецца карэктнай, справядлівай, сумленнай навіной, а што з'яўляецца некарэктнай".



Фэйкавыя навіны, а таксама паведамленні, якія змяшчаюць абразы ў адрас улады і дзяржсімвалаў, могуць быць заблакіраваныя Раскамнаглядам па пазасудовым патрабаванні Генпракуратуры.