А зараз лічба тыдня. 100 тысяч чалавек! Менавіта столькі людзей штомесяц (назаўжды або надоўга) пакідаюць Украіну.
За мінулы год з Украіны паехала каля мільёна чалавек. А дзеці масава вучаць польскую мову і мараць пераехаць у краіну-суседку. Прычынай "вялікага зыходу" афіцыйныя ўлады называюць бязвізавы рэжым з Еўрасаюзам. Зрэшты, статыстыка гаворыць аб тым, што гэта далёка не адзіная прычына паехаць з Украіны.
Інфляцыя па выніках мінулага года перасягнула прагнозы - амаль 14 працэнтаў. Дзярждоўг дасягнуў 77 мільярдаў долараў - з 2013 ён вырас у чатыры разы - і гэта без уліку абясцэньвання грыўні. Краіна ў выніку апынулася ў антырэйтынгу дзяржаў з самай непаспяховай эканомікай – ва Украіны там 7 месца. Паказальна, што на тыдні ў Кіеве адзначылі чацвёртую гадавіну Майдана, так што сумная статыстыка - адзін з вынікаў рэвалюцыі годнасці.
Дарэчы, аб бягучых у Польшчу ад наступстваў Майдана ўкраінцах. З нядаўняга часу грамадзян, якія хочуць атрымаць права на пражыванне ў гэтай краіне, прама на мяжы сталі пытацца аб іх дачыненні да Бандэры і іншых нацыяналістаў. Заўсёднікі спецыялізаваных украінскіх форумаў аб эміграцыі рэкамендуюць бежанцам загадзя падрыхтаваць размову з асуджэннем дзеянняў УПА.
