У Японіі знайшлі жывога сямігадовага хлопчыка, якога шэсць дзён таму пакінулі ў лесе ўласныя бацькі. Ямата Танука знайшлі вайскоўцы ў доме для начлегу на ваенным палігоне. Яго накармілі і даставілі ў мясцовую бальніцу. Па словах урачоў, у яго драпіны на руках і нагах, лёгкае абязводжванне і паніжаная тэмпература цела, але небяспекі для жыцця няма. Хлопчыка змясцілі пад кропельніцу, гэтую ноч ён правядзе ў бальніцы. Некалькі дзён таму бацькі хлопчыка прызналіся, што пакінулі яго ў лесе літаральна на некалькі хвілін у якасці пакарання за дрэнныя паводзіны. Па словах бацькоў, іх сын падчас прагулкі кідаў камяні ў людзей і машыны, за што і быў высаджаны з аўтамабіля. Бацька хлопчыка на прэс-канферэнцыі заявіў, што папытаў прабачэння ў сына.
