Тэракт у Валгаградзе. Паводле апошніх звестак, загінулі 6 чалавек, больш за 33 параненыя. У вобласці аб'яўлена трохдзённая жалоба. Як стала вядома, выбуховае прыстасаванне ў рэйсавым аўтобусе прывяла ў дзеянне паўночнакаўказская смяротніца - ураджэнка Дагестана - Наіда Асіялава. Яна была сур'ёзна хворая. Паводле слоў відавочцаў, жанчына прывяла ў дзеянне выбуховае прыстасаванне адразу, як увайшла ў аўтобус на прыпынку.
У Валгаград прыбыў спецыяльны самалёт, які пры неабходнасці эвакуіруе параненых у клінікі Масквы. Па факце здарэння ўзбуджана крымінальная справа адразу па трох артыкулах: Тэракт, Забойства і Незаконны абарот зброі. У Валгаградзе створаны аператыўны штаб для барацьбы з наступствамі тэракта.
