Паводле афіцыйнай інфармацыі, колькасць ахвяр дасягнула 30 чалавек. Сама меней 95 мірных жыхароў атрымалі раненні. На дзяржаўных будынках прыспушчаныя флагі, усе забаўныя і канцэртныя мерапрыемствы адменены. Украінскія сілавікі і ўлады самаабвешчанай Данецкай народнай рэспублікі абвінавачваюць адно аднаго. Генеральны сакратар ААН заявіў, што абстрэл Марыупаля можа расцэньвацца як парушэнне міжнароднага гуманітарнага права. Пан Гі Мун падкрэсліў, што ўсе бакі канфлікту абавязаныя падвоіць намаганні, каб аднавіць выкананне пагадненняў, дасягнутых на перагаворах у Мінску.
Гэтымі хвілінамі прэзідэнт Украіны Пётр Парашэнка праводзіць пасяджэнне Савета па нацыянальнай бяспецы. У сувязі з падзеямі ў Марыупалі ўкраінскі лідар спыніў свой візіт у Саудаўскую Аравію і вярнуўся на Украіну. Раней Пётр Парашэнка дамовіўся з сусветнымі лідарамі аб неабходнасці правядзення перагавораў у Жэнеўскім фармаце з удзелам ЗША, ЕС, Украіны і Расіі. Аб гэтым гаворыцца ў паведамленні прэс-службы кіраўніка дзяржавы. Заўтра ў сувязі падзеямі ў Марыупалі адбудзецца экстраннае пасяджэнне камісіі Украіна - НАТА.
