Ва Украіне апублікаваны вынікі новага перадвыбарнага рэйтынгу кандыдатаў у прэзідэнты

На першым месцы шоумен Уладзімір Зяленскі - у яго 21,6 %. За ім ідзе лідар партыі "Бацькіўшчына" Юлія Цімашэнка з амаль 15 %. А цяперашні кіраўнік Пётр Парашэнка замыкае тройку лідараў з рэйтынгам 14,4 %. Тым часам апаненты дзеючага прэзідэнта Украіны ідуць у атаку на Парашэнку. У цэнтры Кіева сёння праходзіць марш з патрабаваннямі імпічменту лідара Украіны. Арганізаваная калона людзей прайшла па Крашчаціку ў напрамку да Адміністрацыі кіраўніка дзяржавы. Нагадаем, ініцыятарам імпічменту выступіла кандыдат у прэзідэнты Украіны Юлія Цімашэнка. Прычынай стала расследаванне журналістаў аб дачыненні Парашэнкі да кантрабандных закупак запчастак для ўкраінскай арміі з Расіі па завышаных цэнах.