У цэнтры Парыжа гарыць знакамітая гасцініца "Рытц"

Пажар пачаўся яшчэ раніцай на апошнім, сёмым паверсе будынка. Апошнім часам гатэль быў закрыты на рамонт. На месцы інцыдэнту працуюць пажарныя разлікі і ратавальнікі. Паліцыя пакуль не спяшаецца з інфармацыяй наконт ахвяр і разбурэнняў. Прычыны надзвычайнага здарэння таксама невядомыя. Гасцініца "Рытц" была адкрытая ў 1898 годзе на Вандомскай плошчы Парыжа і лічыцца адной з самых раскошных у свеце.