Ля будынка Вярхоўнай рады, дзе прайшла пратэстная акцыя прыхільнікаў экс-губернатара Адэскай вобласці Міхаіла Саакашвілі, дэманстранты пабіліся з паліцэйскімі.
Выступленні спікераў праходзілі пры дапамозе маламагутнага гукавога абсталявання, і таму чуваць іх было дрэнна. Апаратуру блакіравала паліцыя, пазней усё ж яе даставілі на пляцоўку, і акцыя працягнулася. Дэманстранты прад'явілі шэраг патрабаванняў. У іх ліку - адмена дэпутацкай недатыкальнасці, стварэнне антыкарупцыйнага суда і імпічмент прэзідэнту Пятру Парашэнку. Як мінімум аднаму паліцэйскаму была неабходна меддапамога.