Затрыманыя 72 чалавекі. Плануецца выдаць ордэр на арышт яшчэ 45 чалавек. Расследаванне было пачата два месяцы таму, калі на мяжы з Малайзіяй былі выяўленыя некалькі дзясяткаў магіл мігрантаў. Паліцыя выказала здагадку, што яны памерлі ў лагерах, дзе гандляры людзьмі ўтрымлівалі сваіх ахвяр. Паведамляецца, што яны памерлі ад хвароб або голаду, пакуль гандляры чакалі за іх выкуп. Паводле даных праваабарончай арганізацыі Human Rights Watch, загінуўшыя з'яўляліся выхадцамі з М'янмы і Бангладэш. Падкрэсліваецца, што гэта самая вялікая аперацыя па спыненні гандлю людзьмі ў гісторыі Тайланда.