А эканамічны свет занепакоены матэрыяльнымі каштоўнасцямі. Пунктам незвароту для ЗША застаецца чацвер. 17 кастрычніка амерыканскае казначэйства пачне адчуваць недахоп у фінансаванні, калі ўладам так і не атрымаецца павысіць ліміт дзярждоўгу. Кіраўнік Міжнароднага валютнага фонду Крысцін Лагард ужо папярэдзіла, што дэфолт у ЗША можа падштурхнуць увесь свет да рэцэсіі.
На выхадных дэмакраты і рэспубліканцы ў Сенаце ўпершыню за гэтыя дні правялі прамыя перамовы. Аднак і намёку на які-небудзь сур'ёзны прагрэс - пакуль няма.
