У ЗША распрацоўваюць гіпергукавую ракету, абсталяваную балістычнай боегалоўкай

Яна трапляе пад катэгорыю забароненых Дагаворам аб ліквідацыі ракет сярэдняй і меншай далёкасці. Нагадаем, пагадненне афіцыйна спыніла сваё існаванне 2 жніўня. Днём раней Вашынгтон выпрабаваў крылатую ракету наземнага базіравання. Масква асуджае запуск.

Сяргей Лаўроў, Міністр замежных спраў Расіі: "Рыхтавалася гэта даўно, задоўга да 2 жніўня, калі фармальна мінулі абавязацельствы бакоў па ДРСМД. Гэта ўсё было вядома яшчэ з кастрычніка мінулага года, калі прыязджаў Джон Болтан. Ён нам сказаў, што заява Трампа аб неабходнасці выйсці з Дагавора - гэта не запрашэнне да дыялогу. Гэта прынятае канчатковае рашэнне".

Масква і Пекін у сувязі з выпрабаваннямі ЗША склікаюць экстраннае пасяджэнне Савета Бяспекі ААН. Чакаецца, што сустрэча пройдзе заўтра.