Што ж адбылося ў самым цэнтры амерыканскай сталіцы? Паліцэйскія забілі злачынцу або сярод белага дня на вачах у шматлікіх прахожых расстралялі ні ў чым не вінаватую жанчыну? Гэтае пытанне пакуль адкрытае. Нагадаем, пакуль галоўная версія такая: праваахоўнікі застрэлілі бяззбройную жанчыну, якая на аўтамабілі спрабавала прарвацца праз агароджу рэзідэнцыі прэзідэнта ЗША. Падчас праследавання яе чорнай Infiniti былі параненыя двое афіцэраў. Забітая Мірыам Кэры са Стэмфарда. Прычым, у той момант у машыне знаходзілася яе гадавалая дачка. Дзяўчынка жывая і здаровая. Родныя Кэры гавораць, што жанчына пакутавала ад пасляродавай дэпрэсіі. Зрэшты, наўрад ці гэта давала паліцыі маральнае права страляць на паражэнне.
