У ЗША часткова апублікавалі ліст Халіда Шэйха Махамеда, якога амерыканскія ўлады лічаць галоўным арганізатарам тэрактаў 11 верасня 2001 года. 18-старонкавае паведамленне адрасавана экс-прэзідэнту краіны Бараку Абаме. У лісце тэрарыст заве Абаму ліхадзеем і галавой змяі і заяўляе, што ЗША, "краіна прыгнёту і тыраніі", справакавала атакі на сябе ў выніку дэструктыўнай палітыкі. Нагадаем, зараз зламыснік знаходзіцца ў турме Гуантанама. Гэты ліст ён напісаў яшчэ ў 2015 годзе, аднак кіраўніцтва турмы адмаўлялася адпраўляць яго Абаме. Гэта адбылося практычна ў той момант, калі апошні пакаваў рэчы для ад'езду з Белага дома.
