У сацыяльных сетках расіяне выказваюць глыбокую падзяку беларусам за падтрымку

28 Сакавіка 2018

У сацыяльных сетках расіяне выказваюць глыбокую падзяку беларусам за падтрымку ў цяжкі для іх момант.

"Братэрскі народ, браты славяне, браты беларусы" - менавіта так звяртаюцца да нас суседзі. Беларусы перажываюць, як свой уласны, боль тых, хто стаў удзельнікам трагедыі і страціў блізкіх на гэтым пажары. Шматлікія публікацыі суправаджаюцца хэштэгамі "Кемерава, мы з табой" і "Смуткуем разам". Карыстальнікі сацыяльных сетак цалкам падтрымалі рашэнне Аляксандра Лукашэнкі аб аб'яве жалобы.