Савет Федэрацыі Расіі аднагалосна адобрыў закон аб прызнанні замежных СМІ замежнымі агентамі. За прагаласавалі 154 чалавекі пры адным, які ўстрымаўся. Новы закон не будзе датычыцца журналістаў, а толькі юрыдычных асоб - рэдакцыі СМІ. Пры гэтым ён не закране расійскія СМІ, якія маюць долю замежнага капіталу. Кіраўнік камісіі Савета Федэрацыі па інфармацыйнай палітыцы Аляксей Пушкоў заявіў, што законам аб СМІ - замежных агентах "Расія стварае сістэму абароны ў інфармацыйнай вайне".
На мінулым тыдні Мінюст накіраваў апавяшчэнне дзевяці СМІ з папярэджаннем аб магчымасці ўключэння ў спіс замежных агентаў. Сярод іх апынуліся "Голас Амерыкі" і "Радыё Свабода".