У Рым прыбываюць тысячы паломнікаў

Велікодны тыдзень тут завершыцца грандыёзным святам. Да ліку святых прылічаць адразу двух кіраўнікоў Рымска-Каталіцкай Царквы: Іаана XXIII і Іаана-Паўла II. І ўпершыню ў гісторыі на цырымоніі будуць прысутнічаць адразу два Папы: Францыск I і яго папярэднік Бенядзікт XVI. У нядзелю на велікоднай службе ў Ватыкане прысутнічалі больш як 150 000 чалавек. Да канца тыдня італьянскія ўлады чакаюць прыезду яшчэ некалькіх сотняў тысяч. Гатэлі ў Рыме і наваколлях перапоўненыя, мясцовыя ўлады распарадзіліся аб узмоцненым паліцэйскім патруляванні.