У выніку страляніны ў Чыкага загінулі тры чалавекі, параненыя 40

У ЗША аб'яўлена трохдзённая нацыянальная жалоба па ахвярах масавых расстрэлаў у штатах Агая і Тэхас. На ўсіх федэральных будынках прыспушчаныя нацыянальныя флагі. Прэзідэнт Беларусі Аляксандр Лукашэнка накіраваў спачуванне Прэзідэнту ЗША Дональду Трампу ў сувязі са шматлікімі ахвярамі масавых забойстваў у Эль-Паса і Дэйтане. "Немагчыма знайсці апраўданне бязлітаснаму і бессэнсоўнаму расстрэлу нявінных людзей".

Нагадаем, у Агая стралка ліквідавалі паліцэйскія, калі ён спрабаваў патрапіць у перапоўнены бар. Як высветлілася, зброю ён купіў у інтэрнэце. Калі б яму ўдалося прайсці ў будынак, трагедыя была б катастрафічнага маштабу. Загінулі 9 чалавек, 26 параненыя. А ў Тэхасе мужчына напаў на наведвальнікаў гандлёвага цэнтра "Уолмарт". Забітыя 20 чалавек. І таксама 26 параненыя. Стралку прад'яўлена абвінавачанне ў забойстве з абцяжваючымі акалічнасцямі. Гэта можа павярнуцца вынясеннем смяротнага прысуду.

І яшчэ два выпадкі страляніны адбыліся ў Чыкага. Злачынцаў паліцыя шукае. Загінулі тры чалавекі. Параненыя 40.

Эддзі Джонсан, начальнік паліцэйскага ўпраўлення г. Чыкага: "У Чыкага мінулай ноччу адбыўся шэраг інцыдэнтаў з ужываннем агнястрэльнай зброі. Страляніну па людзях адкрылі ў парку, а таксама ў жылым квартале. Мы мяркуем, што гэта магла быць перастрэлка паміж бандамі".

Паводле звестак паліцыі, загінуўшым у Чыкага ад 19 да 25 гадоў. Стан некаторых параненых крытычны.