У рамках канферэнцыі COP21 запланаваны шэраг двухбаковых сустрэч

Сёння ў Парыжы стартавала міжнародная канферэнцыя, прысвечаная праблемам змянення клімату. Саміт пачаўся з хвіліны маўчання ў памяць аб ахвярах тэрактаў. Цырымонію адкрыцця канферэнцыі правёў французскі лідар Франсуа Аланд. Паводле афіцыйных звестак парыжскіх улад, гэтым разам у ёй прымуць удзел лідары 138 дзяржаў - сярод іх будуць як прэзідэнты, так і прэм'ер-міністры. Чакаецца, што галоўнай падзеяй стане заключэнне прынцыпова новага дагавора, які зменіць дзеючы так званы Кіёцкі пратакол. У рамках канферэнцыі запланаваны шэраг двухбаковых сустрэч. Ужо адбыўся дыялог Уладзіміра Пуціна з Баракам Абамам. Што тычыцца сустрэчы расійскага лідара з кіраўніком Турцыі, то яна, паводле звестак Крамля, не плануецца. Нагадаем, у французскай сталіцы на час правядзення мерапрыемства прыняты беспрэцэдэнтныя меры бяспекі. Улады Парыжа забаранілі праводзіць мітынгі, аднак шэсці былі арганізаваны, нягледзячы на забарону.