У Перу расце колькасць ахвяр магутных паводак

У Перу расце колькасць ахвяр магутных паводак, якія ахапілі амаль усю краіну. У спісе загінуўшых 25 чалавек, яшчэ дзясяткі атрымалі раненні. Стыхію выклікалі праліўныя дажджы. Яе асноўны ўдар прыпаў на поўдзень Перу. Там знішчаны сотні дамоў і аб'ектаў інфраструктуры, размыты сотні кіламетраў дарог, разбураны масты. Улады краіны аб’явілі надзвычайную сітуацыю. Зараз у найбольш пацярпелых раёнах ідзе эвакуацыя насельніцтва.