Памерацца сілай чар у Кітай прыязджаюць фокуснікі з усяго свету. Спаборніцтвы праходзяць за зачыненымі дзвярыма, але ў шырокай публікі ёсць шанец убачыць выступленні.
Тут не трэба верыць сваім вачам. Пекінскі міжнародны фестываль ілюзіяністаў стартаваў з выставы магічнага рэквізіту. Звычайныя прадметы ў руках прафесіяналаў становяцца чароўнымі.
Падпаленыя нажы, загадкавыя бутэлькі і заварожаныя карты. Фокуснік з Малайзіі Элвін Лін у свеце магіі 10 гадоў. Ператварыць хобі ў прыбытковы бізнес, а сваё імя - у брэнд - трук, годны павагі. Зрэшты, сам пастаўшчык містычнага рэквізіту такі поспех цудам не лічыць, - спрыт рук і крыху матывацыі.
Элвін Лін, фокуснік (Малайзія): Гэта вельмі лёгка. Тут працуюць законы фізікі, але ёсць маленькі сакрэт, нябачны рэквізіт, пра які я вам не скажу. Падчас трука ў фокусніка ў руках толькі зубачысткі і самая звычайная бутэлька з вадой. Усё сапраўднае, можаце праверыць самі.
На Чанпінскім стадыёне няма свабодных месцаў. Фестываль ілюзіяністаў праходзіць у Пекіне другі раз, але ўжо стаў галоўнай міжнароднай падзеяй магічнай індустрыі і, што важна, палюбіўся мясцовай публіцы.
Памерацца сілай чар у Пекін з'ехаліся лепшыя ілюзіяністы з усяго свету - больш чым 80 удзельнікаў з 20 краін. І калі сэрцы гледачоў шоумены прывыклі пакараць па ўзмаху чароўнай палачкі, то сімпатыю спрактыкаванага журы можна заваяваць толькі трукамі тэхнічна ўнікальнымі.
За кулісамі чараўнік і комік у адной асобе Жан Гарэн гіпнацізіруе харызмай. І няхай у Францыі ён зорка нумар адзін, перад выхадам на кітайскую сцэну хвалюецца як першы раз. Бо мастацтва ілюзіі як пачуццё гумару - у кожнага сваё.
Жан Гарэн, ілюзіяніст (Францыя): Я - вынаходца высокатэхналагічных фокусаў. І мяне запрасілі прэзентаваць гэтыя навінкі кітайскай публіцы. Але я вельмі хвалююся, ці ацэняць маё шоу мясцовыя прыхільнікі трукаў. Нягледзячы на інавацыйны падыход, на сцэне для мяне галоўнае не бутафорыя, а магія асобы артыста. Асаблівасць маіх шоу - у міксе эмоцый, рамантычнай атмасферы і гумары.
Статус алімпіяды чараўнікоў за міжнародным фестывалем магіі замацаваўся невыпадкова. Уладальнікамі залатога кубка Вялікай Кітайскай сцяны могуць стаць выканаўцы па-сапраўднаму складаных і інавацыйных трукаў. У кастрычніку пераможцы адправяцца ў гастрольны тур па Кітаі.
