Сумная навіна прыйшла з ЗША. Пастаянны прадстаўнік Расіі пры ААН Віталь Чуркін раптоўна памёр у Нью-Ёрку. Прычынай смерці стаў сардэчны прыступ.
Ён не дажыў усяго адзін дзень да свайго юбілею. Віталю Чуркіну споўнілася б 65 гадоў. Аб гэтым паведаміла прэс-служба расійскага Міністэрства замежных спраў. "Выдатны расійскі дыпламат пайшоў з жыцця на рабочай пасадзе. Выказваем родным і блізкім Віталя Іванавіча Чуркіна глыбокія спачуванні", - гаворыцца на сайце ведамства.
Кіраўніцтва і калектыў МЗС Беларусі выказваюць спачуванні родным, а таксама расійскім калегам, у сувязі са смерцю выдатнага дыпламата. Пасяджэнне ў ААН у памяць аб Чуркіне сёння пачалося з хвіліны маўчання. Віталь Чуркін знаходзіўся на дыпламатычнай рабоце з 1974-га года, з 2006-га быў пастаянным прадстаўніком Расіі пры ААН.
