У Новым Арлеане - амерыканскай сталіцы джаза і самым вясёлым і бестурботным горадзе ЗША - прайшоў знакаміты карнавал Мардзі-Гра. Нягледзячы на дажджлівае надвор'е, на маляўнічае свята прыйшлі тысячы гараджан і турыстаў. Гасцей шоу закідвалі падарункамі: з платформ, якія рухаюцца, у натоўп ляцелі вялікія алюмініевыя манеты, рознакаляровыя каралі, ласункі і мяккія цацкі. Мардзі-Гра ў перакладзе з французскай азначае тлусты аўторак. Яго галоўная страва - каралеўскі пірог. Падчас яго выпечкі ўнутр кладзецца маленькая лялечка, якая сімвалізуе Немаўля-Хрыста. Шчасліўчык, якому яна трапіцца, павінен будзе спячы пірог у наступным годзе. Апошнія два тыдні ў Новым Арлеане панавала свята, але сёння, у Попельную сераду, пачынаецца строгі каталіцкі Вялікі пост.
