У нарвежскім заапарку горада Крысціянсан - папаўненне

Самка амурскага тыгра Боня нарадзіла чатырох дзіцянят. Ветэрынары паведамляюць, што напярэдадні малыя прайшлі першы медагляд. Тыграняты абсалютна здаровыя і адчуваюць сябе выдатна. Нованароджаныя будуць заставацца з маці яшчэ доўгі час, пакуль складана сказаць, як хутка іх змогуць убачыць наведвальнікі. Адзначым, далёкаўсходняя драпежніца Боня нарадзілася ў Новасібірску і была перададзена ў нарвежскі заапарк у рамках праграмы па развядзенні амурскіх тыграў. Калі ўзрост яе дзіцянят дасягне паўтара года, яны, імаверна, таксама будуць накіраваны ў звярынцы іншых краін.