Тым часам з Масквы сёння прыходзяць трагічныя навіны. У ранішнюю гадзіну пік у сталічным метрапалітэне на Арбацка-Пакроўскай лініі сышлі з рэек 3 вагоны цягніка. Паводле апошніх дадзеных, загінулі 19 чалавек. Больш за сто пацярпелых дастаўленыя ў бальніцы. Прэзідэнт Беларусі Аляксандр Лукашэнка выказаў спачуванні Прэзідэнту Расіі Уладзіміру Пуціну, усяму расійскаму народу, родным і блізкім загінуўшых. Зараз пошукава-выратавальныя працы ў Маскве працягваюцца.
Па факце аварыі ўзбуджана крымінальная справа. Надзвычайнае здарэнне ў маскоўскай падземцы ў ранішнюю гадзіну пік. Цягнік экстранна спыніўся на перагоне паміж станцыямі Славянскі бульвар і Парк Перамогі. У гэты момант сышлі з рэек некалькі вагонаў. Паведамляецца, што гэта адбылося прыкладна за 200 метраў ад станцыі Славянскі бульвар. Прычынай аварыі, паводле слоў спецыялістаў, мог стаць рэзкі скок напружання.
Адразу пасля аварыі ў метро на маршруты былі выведзеныя звыш 60 аўтобусаў, якія здзяйсняюць перавозку пасажыраў. Дапамагаюць у дастаўцы да найбліжэйшых станцый метрапалітэна і таксісты. Пад заваламі дагэтуль застаюцца пасажыры цягніка. Для эвакуацыі тых, хто быў паранены, выкарыстоўваюць верталёты. Увогуле пацярпелі каля 400 чалавек.
Паведамленняў аб тым, што ў маскоўскім метро пацярпелі беларусы, не паступала. У сапраўдны момант Міністэрства замежных спраў нашай краіны правярае інфармацыю аб грамадзянскай прыналежнасці пацярпелых.
