У Маскве развіталіся з Уладзімірам Этушам

12 Сакавіка 2019

У Маскве сёння развіталіся з народным артыстам СССР Уладзімірам Этушам. Грамадзянская паніхіда прайшла ў тэатры імя Вахтангава, дзе артыст праслужыў больш чым 70 гадоў. З самай раніцы сябры, калегі, вучні і прыхільнікі неслі кветкі, каб развітацца і аддаць памяць сапраўды таленавітаму і любімаму артысту.

"Каўказская палонная", "12 крэслаў", "Іван Васілевіч мяняе прафесію" - на рахунку Уладзіміра Этуша больш чым сто роляў у тэатры і кіно. Пра яго гаварылі: арыстакрат акцёрскага цэха, які ніколі не фальшывіў. Ён часта імправізаваў, яго рэплікі разбіралі на цытаты. Дарэчы, ва Уладзіміра Этуша беларускія карані. Яго бацька нарадзіўся ў пасёлку Глуск. Многае звязвала Этуша і з "Беларусьфільмам". У 1975 годзе ён выканаў ролю Карабаса Барабаса ў музычнай казцы "Прыгоды Бураціна" рэжысёра Леаніда Нячаева. Сёння, па тэатральнай традыцыі, вялікага акцёра праводзілі апладысментамі, якія не сціхалі каля дзесяці хвілін, і крыкамі "брава". Уладзіміра Этуша крэміруюць на Траякураўскіх могілках, а урна з прахам будзе пахаваная заўтра на Новадзявочых.