Краіны Еўразіі напярэдадні сур'ёзнага прарыву ў паўднёвым кірунку. Еўразійскі саюз робіць заяўку на статус буйнога транспартна-лагістычнага вузла, які звяжа Еўропу з Азіяй не толькі па восі захад-усход, але і ў кірунку поўдзень-поўнач. Пра гэта гаварылі сёння ў Маскве. У расійскай сталіцы пад эгідай СНД прайшоў міжнародны эканамічны форум. Яго ўдзельнікі канстатавалі, што наземны транспарт, транзіт і лагістыка гатовыя рухаць прагрэс. А ЕАЭС атрымлівае магчымасць стаць ключавым транзіцёрам усяго кантынента.
Максім Кароткін больш падрабязна. Эканамічны форум ствараўся для таго, каб абмяркоўваць найбольш імаверныя стратэгічныя праекты. Сёлета галоўных тэм 4: энергетыка, фінансы, бізнес і транспарт. Апошняя секцыя аказалася настолькі актуальнай, што выйшла за рамкі Садружнасці Незалежных Дзяржаў.
Транспарт рухае прагрэс. У новых эканамічных умовах вырашальнае значэнне атрымаюць аўтамабільныя і чыгуначныя перавозкі і ўсё, што з імі звязана - ад транзіту да лагістыкі. Перадумоў для гэтага 2: гатовы да росту гандаль краін поўдня з поўначчу Еўропы, адначасова Кітай праз Індыю і краіны Еўразійскага саюза развівае новы Шаўковы шлях. Пры гэтым марскія танкеры пачынаюць прайграваць канкурэнцыю цягнікам і аўтамабілям.
Тэрыторыя СНД у перспектыве можа стаць вырашальным звяном для шчыльнай сувязі транспартных сістэм Еўропы і Азіі. Прычым не толькі па восі ўсход-захад, але і ў кірунку поўнач-поўдзень. Казахстан ужо зрабіў развіццё транспартнай інфраструктуры адным з эканамічных прыярытэтаў. Для транзіцёраў і перавозчыкаў Еўразіі такая будучыня абяцае сур'ёзныя перспектывы.
Сумесныя праекты ў галіне развіцця транспартнай інфраструктуры фарміруюцца і ў Садружнасці Незалежных Дзяржаў. На сённяшнім эканамсавеце, зрэшты, прыярытэтам была эканоміка цяперашняга дня. Віцэ-прэм'еры адобрылі план сумесных дзеянняў у адказ на крызісныя з'явы.
Гаворачы аб сённяшнім дні, на еўразійскай прасторы глядзяць у заўтрашні. Аналітыкі лічаць, што наземныя зносіны паміж Еўропай і Азіяй могуць моцна змяніць эканамічны ландшафт кантынента. Бо ў праект акажуцца ўцягнуты не толькі краіны ЕАЭС і СНД, але і найбліжэйшыя суседзі: ад Кітая і Індыі да краін Персідскага заліва і Скандынавіі. А чым большы рынак, тым больш сур'ёзныя выгады.
