У Маскве і іншых гарадах Расіі ўводзяць абавязковае нашэнне масак і пальчатак

Расія па колькасці заражаных каранавірусам сёння на чацвёртым месцы ў свеце. Штодня ў краіне выяўляюць 11 тысяч выпадкаў захварэўшых. У Маскве, Падмаскоўі, Санкт-Пецярбургу і іншых гарадах з сённяшняга дня ўводзяць абавязковае нашэнне масак і пальчатак. Інакш - штраф. Колькі каштуюць сёння аксэсуары самааховы? І як траты на маскі падрываюць сямейны бюджэт? У сітуацыі разбіралася наш маскоўскі карэспандэнт Дар'я Белавусава-Пятроўская.

З 12 мая ў Маскве нашэнне масак і пальчатак абавязкова

З пачатку рэжыму самаізаляцыі ў Маскве, паводле статыстыкі, маскі сталі насіць 60 % насельніцтва. Пальчаткі - толькі 17 %. Але ёсць і такія, хто прынцыпова адмаўляўся насіць гэтыяі аксэсуары самааховы.

За адсутнасць масак і пальчатак - штраф 5 тысяч расійскіх рублёў

Але з сённяшняга дня насіць маскі і пальчаткі ў Маскве, Падмаскоўі, Санкт-Пецярбургу, Варонежы і некаторых іншых расійскіх гарадах абавязкова. Прычым, калі вы толькі ў масцы, але без пальчатак, або наадварот, вас аштрафуюць на 5 тысяч рублёў. Па цяперашнім курсе - гэта каля 70 долараў ЗША. Таму сёння маскі пайшлі ў масы. 

Іх прадаюць не толькі ў аптэках, але і ў спецыяльных аўтаматах, якія ўстанавілі на станцыях маскоўскіх метро, у касах прыгарадных цягнікоў і нават у прадуктовых магазінах.

Любоў Ярашэнка, адміністратар прадуктовага магазіна: "У нас ёсць аднаразовыя маскі двух відаў, таксама шматразовыя розных памераў. І па колерах класічныя. І пальчаткі ў нас ёсць у продажы. Аднаразовыя, для наведвальнікаў, чалавек зайшоў, надзеў пальчаткі і пайшоў па пакупку. Можа, у яго няма з сабой, зараз дэфіцыт. І ў продажы пальчаткі ёсць". 

Цана масак у Маскве вырасла ў 50 разоў 

Па даных Федэральнай антыманапольнай службы, цана на маскі вырасла ў 50 разоў. Калі раней яе кошт быў 1-2 расійскія рублі, то зараз 50. А змяняць аднаразовую маску трэба кожныя 2-3 гадзіны. Памнажаем на 30 дзён - атрымліваем 1 500 тысячы, ледзь больш як 20 долараў ЗША. А калі ў сям'і 4 чалавекі - з бюджэту толькі за месяц на маскі пойдзе каля 100 долараў. Улічваючы, што многія зараз без працы, нагрузка на сямейны бюджэт істотная. 

Аляксандра, Жыхарка г. Масквы: "Я лічу, гэта зараблянне грошай. Таму што сапраўды цяжка будзе кожныя 2 гадзіны мяняць маску. Мы, вядома, ужо купілі ўпакоўку, але не ведаем, на колькі нам яе хопіць". 

Святлана, Жыхарка г. Масквы: "Я лічу, што гэта пазапраўна - мяне абавязваць і не даваць мне матэрыяльныя сродкі, каб я гэта купіла. У мяне няма дадатковых грошай, я не працую, муж дома, і невядома, як будуць плаціць зарплату".

У Расіі пачынаюцца паэтапныя паслабленні рэжыму самаізаляцыі

Таксама з сённяшняга дня ў Расіі пачынаюцца паэтапныя паслабленні рэжыму самаізаляцыі. Так, у Маскве пачнуць працаваць усе прамысловыя прадпрыемствы і будаўнічыя кампаніі горада. 

Рэжым самаізаляцыі ў Маскве будзе дзейнічаць да 31 мая

А вось рэстараны, кафэ, салоны прыгажосці, гандлёвыя і спартыўныя цэнтры, тэатры і кінатэатры  пакуль адчыняць не збіраюцца. Рэжым самаізаляцыі будзе дзейнічаць да 31 мая.