У Мексіцы знайшлі самую вялікую ў свеце затопленую пячору

Даўжыня Сак-Актун - амаль 350 кіламетраў. Яна размешчана ў наваколлях горада Тулум на поўначы паўвострава Юкатан. Тут жа знаходзяцца руіны аднайменнага горада, пабудаванага пры цывілізацыі мая. Даследчыкі выявілі астанкі людзей і жывёлін, алтары і керамічны посуд. Малюнкі артэфактаў загрузяць у спецыяльную камп'ютарную праграму. Яна створыць 3D-мадэлі, і гэта дазволіць вывучаць іх, не дастаючы на паверхню.