Сітуацыю ва Украіне сёння абмяркоўваюць у Жэневе. Кіраўнікі дыпламатычных ведамстваў ЗША, ЕС і Расіі прапрацоўваюць дакумент па шляхах рашэння канфлікту. У гэты момант сустрэча праходзіць без удзелу ўкраінскага боку.
Сітуацыя ў самой Украіне застаецца напружанай. Як паведамляе выданне Новости Донбасса, у Славянску пратэстуючыя захапілі мясцовую тэлевышку і адключылі ўкраінскія каналы, а ў Данецку група мітынгоўцаў заняла тэрыторыю міжнароднага аэрапорта. Неспакойна і ў Марыупалі. На ўездах у горад сілавікі ўзводзяць блокпасты. Гэтай ноччу тут было ўчынена ўзброенае нападзенне на воінскую часць. Паводле звестак МУС, загінулі тры чалавекі, 13 параненыя. Больш за 60 былі затрыманыя. Нагадаем, у пачатку тыдня выконваючы абавязкі прэзідэнта Украіны Аляксандр Турчынаў аб'явіў аб правядзенні антытэрарыстычнай аперацыі на паўднёвым усходзе краіны.
І сёння ў Маскве падчас прэс-канферэнцыі Уладзімір Пуцін заявіў, што ўжо ў маі Расія можа ўвесці для Украіны прадаплату за газ, калі Кіеў не разлічыцца з даўгамі за пастаўкі блакітнага паліва.
