У Кіеве ўзарвалі аддзяленне банка. Пацярпелых няма

Ва ўкраінскай сталіцы ўведзена паліцэйская аперацыя "Сірэна". У Кіеве ўзарвалі аддзяленне банка. Пацярпелых няма. Здарэнне адбылося ноччу. Разбурана вітрына і частка інтэр'еру, вакол будынка разляцеліся грашовыя купюры. Паводле звестак праваахоўнікаў, да злачынства маюць дачыненне двое мужчын, ім удалося схавацца. Папярэдне, эпіцэнтр выбуховай хвалі ішоў ад банкамата, які, хутчэй за ўсё, і быў мэтай зламыснікаў. Узбуджана крымінальная справа. Акалічнасці здарэння і сума выкрадзеных наяўных грошай устанаўліваюцца.