У Кіеве мінулай ноччу невядомым з гранатамёта абстраляны будынак тэлеканала "112. Украіна". Ніхто не пацярпеў. Знойдзены на месцы здарэння тубус гранатамёта адправілі на экспертызу. Па факце абстрэлу ўзбуджана крымінальная справа па артыкуле "Тэракт". Сілавікі праводзяць пошукавыя мерапрыемствы. СМІ адзначаюць, што тэлеканал раней паведамляў аб пагрозах. Яны пачалі паступаць пасля анонсу паказу на канале фільма рэжысёра Олівера Стоўна "У барацьбе за Украіну".
