У інцыдэнце з фанатамі ЦСКА ў Рыме, паводле апошніх звестак, пацярпелі 19 чалавек. У 16 з іх лёгкія траўмы, яшчэ трое шпіталізаваныя ў цяжкім стане. У асноўным гэта расіяне. Нагадаем, напярэдадні позна ўвечар пасажыры апынуліся літаральна заціснутыя механізмам, які раптам сапсаваўся.
Усю ноч паліцыя і ўлады італьянскай сталіцы высвятлялі акалічнасці НЗ. Італьянская газета Repubblica сцвярджае, што футбольныя фанаты натоўпам падскоквалі на стужцы эскалатара, пасля чаго ён і стаў бескантрольна разганяцца. Прадстаўнікі расійскага пасольства са свайго боку адзначаюць, што балельшчыкі не правакавалі інцыдэнт. І ў стане алкагольнага ап'янення яны не знаходзіліся.
